Drejtori ekzekutiv i OpenAI, Sam Altman, i është bashkuar një liste në rritje të ish-udhëheqëse të gjigantëve teknologjik që marrin pozita në qeverinë e San Franciskos pas zgjedhjet të këtij muaji.

Kryetari i zgjedhur i San Franciskos, Daniel Lurie, emëroi Altmanin, kreun e kompanisë së inteligjencës artificiale ChatGPT, pjesë e ekipit të tij në tranzicion, transmeton Telegrafi.

Industria e teknologjisë e përqendruar në Silicon Valley në jug të San Franciskos, është zhvendosur gjithnjë e më shumë në vetë qytetin – duke krijuar tensione në një vend dikur sinonim i hipive dhe kundër-kulturës.

Në të njëjtën kohë, rimëkëmbja e ngadaltë ekonomike e San Franciskos pas pandemisë dhe betejat e dukshme me drogën dhe të pastrehët, kanë nxitur një zhvendosje drejt politikës demokratike të qendrës, të nxitur nga qytetarët e pakënaqur dhe nga donatorët e pasur ekzekutivë të teknologjisë.

Disa investitorë të Silicon Valley kanë mbështetur presidentin e zgjedhur republikan Donald Trump. Në zgjedhjet e San Franciskos, bashkëthemeluesi i ËhatsApp dhe ish-drejtori ekzekutiv, Jan Koum mbështeti Lurie.

Dy ish-sipërmarrës të programeve kompjuterike, Bilal Mahmood dhe Danny Sauter, u zgjodhën në bordin e mbikëqyrësve të qytetit.